Hallo, al ons medeskrywers.

Vir die van julle wat graag saam met ons op die Skrywersbootvaart wil gaan, hier is die inligting waarvoor almal gewag het!! Sien asseblief hier onder vir die finale datums en pryse. Loer ook gerus in by ons vorige post vir ‘n paar vrae-en-antwoorde.

• Datum: 15 Februarie tot 17 Februarie 2013.
• Prys per persoon: R3500 – En dit sluit die bootvaart, etes en skryfskool in. Vir meer inligting oor wat die bedrag in en uitsluit, gaan loer in by ons vorige plasing.
• Registrasie datum: 30 September 2012
• 50% Deposito moet teen die 30 September 2012 betaal word.
• Die volle bedrag is betaalbaar teen die 1ste Desember 2012.

Klier hier om ons vorige plasing te lees.

Onthou asseblief dat plekke beperk is, so julle moet gou spring. Vir meer inligting of navrae oor die skrywersbootvaart, kontak anzel@pnskryf.co.za of trudy@pnskryf.co.za.

Groete,

Die PNSkryfspan.

PNSkryfbesigheid is baie opgewonde om ons eerste Skrywersbootvaart in Februarie 2013 bekend te stel en ons nooi jou uit om dit saam met ons te kom beleef. Op hierdie twee nagte vaart na nêrens, gaan ons klem lê op die skryf van spanningsverhale en daar word reeds met kundiges onderhandel om ʼn paar relevante lesings te kom gee.

Kom ons kyk na die belangrike vrae wat jy dalk mag vra:

• Wanneer beplan julle die toer?
  • Ons beplan vir Februarie 2013, die datum sal binne die volgende week of twee bevestig word.
• Wat gaan dit my kos?
  • Die koste per skrywer is ongeveer R3500 p/p. Die presiese bedrag sal binne die volgende week of twee bevestig word, en sluit die vaart en die kursus in. Die pryse wat op Starlight cruises se webblad verskyn, sluit nie die kursusgeld in nie. Geen persone wat dus self by Starlight cruises hulle verblyf reël, sal by die kursus toegelaat word nie.
• Wat sluit die koste vir die vaart in en wat sluit dit uit?
  • Die koste vir die vaart sluit in alle etes, slaapplek, lesingsmateriaal en sessies, kommentaar op kreatiewe skryfwerk, en ʼn baie goeie leerervaring.
  • Dit sluit egter vervoer kostes na en parkering by Durban se hawe uit, asook alle drankies, persoonlike benodighede en sakgeld.
• Gaan ons heeltyd net lesings hê? Of gaan ons tyd hê om die vaart en die skip te geniet?
  • Ons gaan ʼn vasgestelde program vir lesings en kreatiewe skryfsessies hê, maar daar sal oorgenoeg tyd vir die skrywers wees om die skip te verken en om individueel alle aspekte van die skip te geniet. Skrywers sal streng by die program moet bly, ten einde dit ʼn suksesvolle leerervaring te maak. Die program sal later beskikbaar gestel word.
• Hoeveel skrywers kan vir hierdie kursus registreer?
  • Ons het ongelukkig net plek vir twaalf skrywers.
• Beplan julle nog sulke toere in die toekoms?
  • Afhangende van die belangstelling en deelname aan hierdie toer, gaan ons beslis kyk na nog so een aan die einde van 2013.
• Wat moet ek saambring, sou ek inskryf vir hierdie kursus?
  • Bo en behalwe klere, toiletbenodighede, persoonlike medikasie, ID dokument, kamera, skootrekenaar en sakgeld, moet elke skrywer ook ʼn spanningsverhaal vooraf vir ons stuur, met ʼn woordtelling van tussen 800 en 1000 woorde. Gedurende hierdie vaart, gaan ons dan aan hierdie kortverhaal werk, asook met ʼn roman begin.
• Word slaap- en badkamergeriewe gedeel?
  • Ja. Omdat ons die geriewe teen ʼn spesiale prys verkry, moet kajuite gedeel word. Elke kajuit gaan vier skrywers huisves vir hierdie toer.
• Wat is die vervoerrëelings?
  • Vervoer tot by die hawe is elke skrywer se eie verantwoordelikheid. Starlight cruises het wel sekere dienste beskikbaar. Loer gerus in by hulle webblad vir meer inligting. Kliek hier: http://www.starlightcruises.co.za/faqs.cfm
• Is ʼn paspoort nodig vir hierdie toer?
  • Ons verlaat nie Suid Afrikaanse waters nie, so ʼn paspoort is dus nie nodig nie. Jy moet wel jou ID dokument saambring vir toegang tot die skip.
• Wanneer is die registrasiedatum?
  • Registrasiedatum is 30 September 2012. 50% Deposito is betaalbaar by registrasie. Inskrywings- en Registrasievorms is op navraag beskikbaar.
• Teen watter datum moet ek my deposito betaal?
  • 50% Deposito moet saam met registrasie betaal word en dit moet teen 30 September 2012 gebeur. Geen skrywer wat nie ten volle betaal het, gaan op die vaart toegelaat word nie. Sou enige skrywer tussen Oktober en Desember 2012 kanselleer, verbeur hulle 50% van hulle deposito as kansellasiefooi. Bankbesonderhede is beskikbaar op aanvraag.
• Teen watter datum moet die volle bedrag vir die skrywersvaart betaal word?
  • Die volle bedrag vir die skrywersvaart moet teen 1 Desember 2012 betaal word. Geen fondse sal terug betaal word sou ʼn skrywer nie opdaag vir die vaart, of die boot verpas nie. Vanaf Desember 2012, is geen fondse terugbetaalbaar nie. Bankbesonderhede is beskikbaar op aanvraag.

Vir enige ander vrae rondom die skeepvaart, gaan loer in by hulle webblad: http://www.starlightcruises.co.za/faqs.cfm. As julle enige vrae oor die kursus het, laat ons gerus weet by trudy@pnskryf.co.za of anzel@pnskryf.co.za .

Ons hoop om baie van julle daar te sien.

Groete

Die PNSkryfspan

Ek is bevoorreg om sommer met die intrapslag in die nuwe jaar ‘n koffietydstorie in die Vrouekeur gedruk te sien. Persentjie is ‘n storie met ‘n twist, geinspireer deur my mentor en ‘n prentjie in my kop… Ek was aangesê om ‘n kortverhaal te skryf oor ‘n swanger vrou wat crocs skoene aanhet. En toe is Persentjie gebore.

Hoop julle geniet dit storie sommer gate uit!

Groete

Anzel

My kortverhaal, Boemerang, verskyn in hierdie week se Vrouekeur – 16 Desember 2011.

Hoop julle geniet dit net soos ek dit geniet het om die storie te skryf.

Groete

Anzel

******************

Dis waar ja! Die vyf weke prosaskryfkompetisie word vanaf 1 – 29 Desember 2011 aanlyn aangebied. Al sit jy ook in Ierland, Kaapstad, Londen of Parys, sal jy die kursus kan doen, solank jy toegang tot die internet en e-pos het. Tonne selfdissipline, ‘n passie vir die skryfkuns en deursettingsvermoeë is al wat nodig is.

Anzel Gerber en Liana Bosman wat gereeld in Vrouekeur publiseer, het hierdie kursus voltooi.

Die inhoud van die kursus is as volg:

Module 1: Hoe om ’n goeie idee in ’n goeie storie te verander

• Die skryfproses.Die verskil tussen waarheid en fiksie.
• Plekke waar stories skuil en hoe om dit te herken.
• Hoe om aan die skryf te kom as daar geen idees is nie of skryftamheid ervaar word.
• Hoe om ’n plot te beplan:
  ◦Verskillende vorme.
  ◦ Beplanning van ’n plot.
  ◦ Plot as gids vir die laaste herskryffase.
  ◦ Die verskil tussen ’n plot vir ’n roman en ’n kortverhaal.

Module 2: Skep van geloofwaardige karakters, verteller, vertelperspektief en fokalisering

• Karakterisering
• Ronde en plat karakters.
• Plekke waar karakters ‘skuil’.
• Voorstelling of karaktertekening.
• Verteller en vertelperspektief: ◦Eerste persoonsverteller.
  ◦ Derde persoonsverteller.
  ◦ Alomteenwoordige verteller.
  ◦ Ongewone vertellers.
• Fokalisering

Module 3: Toneel-inkleding, skep van atmosfeer en hantering van beskrywing

• Toneel-inkleding en die skep van die atmosfeer
• Werklike of verbeelde plekke
• Tegnieke om atmosfeer te skep:
  ■Tyd
  ■Plek
  ■Gebruik van sintuie
• Wys teenoor vertel
• Beskrywings:
  ◦Hoe om te beskryf
  ◦Woordkeuses:
  ■Selfstandige naamwoorde
  ■Bywoorde en byvoeglike naamwoorde
• Beeldspraak, bv.:
  ■Vergelykings
  ■Klanknabootsing
• Clichés en anglisismes
• Simbole en truuks

Module 4: Dialoog en die hantering van spanning, konflik en dramatiese gegewe

•  Dialoog ◦Skryf van dialoog wat natuurlik klink
  ◦Funksies van dialoog
  ◦Verskillende vorme van dialoog
  ◦Hoe om dialoog effektief te hanteer
  ◦Wat sê die karakter se liggaamstaal?
• Konflik, aksie en spanning: ◦Konfrontasie.
  ◦Gebruik van emosies.
  ◦Opbou.
  ◦Intimiteit.
  ◦Gebruik van beelde en atmosfeer.
  ◦Plant van leidrade.
  ◦Gebruik van verteller, perspektief, karakters, atmosfeer ens. om spanning te bou

Module 5: Skryf van openings- en slotparagrawe en die afronding van die verhaal

• Goeie openings- en slotparagrawe ◦Wyses waarop openingsparagrawe geskryf kan word
  ◦Effektiewe slotparagrawe
• Foute wat die meeste nuwe skrywers maak.
• Herskryf en afronding.

Verdere inligting oor die skryfkursus:

Registrasiedatum: Voor  of op 30 November 2011

Datum en tyd waarop take ingehandig moet word:

Tussen 09:00 – 16:00 op 1, 8, 15, 22, 29 Desember 2011

Datum en tyd waarop terugvoer ingehandig moet word:

Sal nog bepaal word

Kostes:

• Die kursus kos R1 750 – 00. Dit sluit kursusmateriaal, posgeld, terugvoer vanaf kursusleier en buite-kritici in. Verder het die kursusganger 10 – 8 kortverhale en/kort-kortverhale wat byna publiseerbaar is, mits die skrywer na raad en opbouende kritiek luister en die nodige aanbevelings maak.
• Binne sewe dae na die kwotasie  ontvang is, moet 25%  (d.w.s. R437-50) van die totale bedrag as pre-registrasiefooi betaal word.   Nog 25% moet teen die registrasiedatum betaal word. Die res van die bedrag (R875-00) moet  teen die tweede module betaal word.
• NEEM ASB. KENNIS: Geen deposito is terugbetaalbaar nie!

Die volgende afslag word egter aangebied:

• Oud-studente van PNSkryfskool kry 10% afslag van alle dienste/kursusse wat daarna bygewoon of gebruik word.

Hoe  om te registreer:

• Voltooi  en handig die voorafregistrasie- of registrasiedokument in. Volg die volgende skakel om by die elektroniese vorm uit te kom:  http://www.pnskryf.co.za/text/newskryfkursus.html#inligting
• ‘n  Faktuur sal gelewer word.
• Sodra  die volle deposito betaal is, sal die kursusganger as geregistreer beskou  word.

Algemene  inligting:

• Slegs  tien persone word tot die kursus toegelaat.
• Groepwerk  is baie belangrik, asook deelname aan tuisoefeninge.

Navrae:

Trudy Erasmus

trudy@pnskryf.co.za

of

Anzel Gerber

anzel@pnskryf.co.za

My nuutste kortverhaal verskyn in hierdie week se Vrouekeur uitgawe – 16 November 2011. Ek het die storie geskryf by ‘n humor werkswinkel, nadat ek vir Trudy vertel het dat ek nie kan humor skryf nie. Ek het myself toe so verkeerd bewys.

Wat dink julle?

Groete

Anzel

Iemand het eenkeer vir my gesê, dit maak nie saak hoeveel keer jy op die grond neerval nie. Wat saak maak, is dat jy weer sal opstaan. Snaaks hoe jy in hierdie stelling twyfel wanneer jy eers op die grond is, wanneer jy die grond proe, jou inspanningsweet kan ruik, jou hart kloppend in jou keel. Wanneer jy eers hier op die grond lê, wil jy net daar bly. Te hel met alles en almal om jou. Vir nou is jou kniee nerfaf, jou hande stukkend van tevergeefs keer, jou wind uit.

Life happens, het iemand anders op ‘n keer weer vir my gesê. Ek was so verbaas oor die persoon se ongeergdheid jeens my situasie dat ek vir ‘n paar dae vir hom baie kwaad was. As ek moet terug kyk, besef ek hoe reg hy was. Life happens. En daar is niks wat ons daaraan kan doen nie. As iets in jou lewe verkeerd gaan, en jy kan niks daaraan doen nie, moet jy jou attitude teenoor daardie gebeurtenis verander. Moet jy besef life happens. En jy sal sterker ander kant uitkom. Mens glo dit nie altyd nie. Mens wil nie hoor dat alles eendag sal uitwerk nie. Mens wil net gaan sit en jouself jammer kry. Die belangrikste egter is dat jy die lewe vierkantig in die oë moet kyk en weer moet opstaan. ‘n Pastoor in Harrismith het eendag gepreek en gesê: “When you hit rock bottom, dont stay there. Get out! Get up! Want as jy in daardie gat bly, word dit jou graf!”

Ek gaan julle nie verveel met die details van my lewe oor die afgelope paar weke nie. Weet net ek was ‘n paar keer weer onderstebo gekap, my knieë neraf en my handpalms seer van die keer. Die mure wat ek so sorgvuldig om my gebou het, was in een veeg platgeslaan, en ek was ontbloot, verneder, kwesbaar. Vir ‘n week of wat het dit my nogal gevang, het ek bly sit daar in die grond met my nerfaf knieë en hart. Vanoggend het ek egter opgestaan en gesë: ‘Dit is nou genoeg. Nou staan ek op!” En weet jy, ek voel soos ‘n ander mens. Ek kan nie help dat dit wat gebeur het my so seer gemaak het nie. Ek kan nie vir ‘n ander persoon besluit of sy keuses vir hom maak nie. Maar ek kan my eie lewe leef, in die wil van die Here bly, en elke nuwe dag Sy vars genade in my lewe ervaar.

Wat ek wel besef het in hierdie tyd, is dat ek mag val. Dat ek mag gaan sit en vir ‘n rukkie weier om op te staan. Dat ek myself mag jammer kry, al help dit my nie veel nie. Maar dat ek ook sal opstaan, en sterker en sekerder sal wees daarna en kan terugkyk en weet… Life happened. En ek is steeds hier. Met ‘n paar bloukolle en skrape ja, maar ek is steeds hier. Die lewe is nie regverdig nie, dit slaan partykeer baie hard, maar ek is sterker as my omstandighede, want ek weet, met my God spring ek oor ‘n muur. Met my God loop ek ‘n bendestorm. Met my God is ek meer as ‘n oorwinnaar, overwhelming victory is myne. En ek kan regop staan, met my ken hoog en weet… Ek is kosbaar. En ek verdien net die beste.

Hier onder is ‘n paar quotes wat my regtig deur hierdie tyd gehelp het. Ek hoop regtig dat dit vir julle ook sal help om eendag weer op te staan.

Liefde

Anzel

Request Feedback

Amper R10 000.00 se pryse op die spel in Petru-Nell Skryfbesigheid se eerste Skryfkompetisie ooit!

Nuuskierig? Wil jy dalk inskryf? Wil jy die eerste wenner wees van PNSkryfbesigheid se eerste skryfkompetisie?

Lees hieronder verder…

DOEL

Om vir nuwe skrywers wat nog nie by ʼn erkende uitgewer uitgegee het nie, ook ʼn kans te gee om hulle skryftalent te ontwikkel.

TEMAS

Die skrywer kan sy eie tema kies.

VEREISTES

Elke inskrywing moet ʼn kort-kortverhaal van maksimum 800 woorde, asook ʼn langer kortverhaal van maksimum 1 500 woorde insluit. As die deelnemers nie aan hierdie vereiste voldoen nie, gaan hulle inskrywing gediskwalifiseer word.

Deelnemers kan ook addisionele kort-kortverhale of kortverhale instuur teen ʼn laer inskrywingsfooi. Sien reëls vir besonderhede.

PRYSE

Algehele eerste plek

ʼn Wegbreeknaweek vir twee, ontbyt ingesluit, by die Bed-ini-bos Gastehuis te Thabazimbi, ter waarde van R1650.00.

Gratis bywoning van die PNSkryfskool in 2012, wat strek oor vyf Saterdae, en wat al die kursusmateriaal en verversings insluit, ter waarde van R2750.

Totale eerste plek pryswaarde = R4400.00

Algehele tweede plek

ʼn Koopbewys van ʼn bekende boekhandelaar, ter waarde van R1000.

Drie gratis modules vir die PNSkryfskool in 2012, ter waarde van R1650.

Totale twee plek pryswaarde = R2650.00

Algehele derde plek

ʼn Jaar se inskrywing op Vrouekeur Tydskrif, ter waarde van R420.

Twee gratis modules vir die PNSkryfskool in 2012, ter waarde van R1100.

Totale derde plek pryswaarde = R1520.00

SPESIALE PRYSE

Verrassingspryse gaan ook toegeken word vir verhale met:

• Beste Titel                                         
• Beste Opening
• Beste Slot
• Verhaal met die meeste potensiaal
• Beste Karakterisering

 REËLS

• Maak seker dat u presies weet wat die reëls van hierdie kompetisie is aangesien inskrywings gediskwalifiseer sal moet word, indien die reëls verontagsaam word.
• Alle verhale moet getik wees.
• Deelnemers moet seker maak dat hulle aan hierdie belangrike vereiste voldoen. Die lengte van die skryfstukke is: Kort-kortverhale: 800 woorde, Kortverhale: 1500 woorde
• Enige skrywer ouer as 18 jaar kan aan die kompetisie deelneem. Indien ʼn deelnemer reeds by ʼn erkende uitgewer (Lapa, Human en Rossouw, ens.) gepubliseer het, mag hy/sy nie aan hierdie kompetisie deelneem nie. Die inskrywing moet in AFRIKAANSwees.
• Die inskrywings moet die eie oorspronklike werk van die outeur wees.
• Stuur asseblief vyf (5) afskrifte van alle verhale saam.
• Elke inskrywing (d.w.s een kort-kortverhaal en een kortverhaal) moet vergesel wees van ’n inskrywingsvorm en inskrywingsfooi ter waarde van R50.00 (vyftig Rand).
• Betaling kan geskied in die vorm van internet-betaling, direkte inbetalings by een van die banke soos hieronder gespesifiseer word, of ’n banktjek kan die inskrywing vergesel. GEEN PRIVAAT TJEKS WORD AANVAAR NIE. ʼn Afskrif van die inbetaalstrokie of bewys van die internet-betaling moet u inskrywing vergesel. Bank besonderhede op versoek.
• Addisionele kort-kortverhale of kortverhale kan ook apart van die vereiste inskrywing ingestuur word, teen ʼn administrasiefooi van R10 elk.
• Deelnemers sal alle manuskripte terug ontvang, waarop kommentaar van die beoordelaars verskyn. Stuur dus ook genoeg self-geadresseerde, gefrankeerde koeverte wat groot genoeg vir die manuskripte is, saam met elke inskrywing. Maak seker dat die posgeld daarop voldoende is. PN Skryfbesigheid kan nie vir verlore posstukke verantwoordelik gehou word nie.
• Die deelnemer se naam mag slegs op die inskrywingsvorms verskyn en nie op die vyf (5) afskrifte van die verhale nie. Onthou: Dit word anoniem aan keurders voorgelê.
• Beide kortverhale moet asseblief in dubbelspasiëring en in ’n leesbare lettertipe van minstens 12 pt grootte getik word. ’n Eenvoudige lettertipe soos ‘arial’ of ‘times new roman’ word aanbeveel. Geen handgeskrewe inskrywings word aanvaar nie.Kortverhale mag ongelukkig ook nie elektronies voorgelê word nie.
• Sluitingsdatum vir alle inskrywings is 9 Desember 2011. Inskrywings met ʼn posstempel van later as 9 Desember 2011, sal nie aanvaar word nie.
• Pos alles inskrywings aan: PNSkryfkompetisie 2011, Natalielaan 56A, Murrayfield, Pretoria, 0184. Stuur asseblief ook ʼn epos, faks of sms om ons te verwittig dat die inskrywing oppad is.
• Geen inskrywings mag direk aan enige van die organiseerders oorhandig word nie. Die organiseerders kan ook nie verantwoordelik gehou word vir inskrywings wat verlore raak nie.
• Rig alle navrae aan Trudy Erasmus – faks (086 652 7946) of per epos trudy@pnskryf.co.za, of aan Anzel Gerber by pnskryfkompetisie@gmail.com.
• Alle inskrywings word aan onafhanklike beoordelaars voorgelê. Elke beoordelaar het sy eie unieke manier van beoordeel, maar u sal terugvoering ontvang.
• Die beoordelaars en/of organiseerders behou die reg voor om sommige of al die pryse nie toe te ken nie, sou die standaard van die inskrywings dit nie regverdig nie.
• Die tyd vir beoordeling word bepaal deur die aantal inskrywings wat ontvang word. Daar word gepoog om die wenners teen einde Maart 2012 bekend te maak. Alle wenners sal per epos of faks verwittig word, waarna uitslae op ons Facebook blad, webtuiste en Blog bekend gemaak sal word.

Vir verdere navrae, en inskrywingsvorms, kontak Trudy Erasmus by trudy@pnskryf.co.za of Anzel Gerber by pnskryfkompetisie@gmail.com. 

Anzel Gerber en Liana Bosman wat gereeld in Vrouekeur publiseer, het hierdie kursus voltooi.

Die inhoud van die kursus is as volg:

Module 1: Hoe om ’n goeie idee in ’n goeie storie te verander

• Die skryfproses.Die verskil tussen waarheid en fiksie.
• Plekke waar stories skuil en hoe om dit te herken.
• Hoe om aan die skryf te kom as daar geen idees is nie of skryftamheid ervaar word. Hoe om ’n plot te beplan: ◦Verskillende vorme. ◦ Beplanning van ’n plot. ◦ Plot as gids vir die laaste herskryffase. ◦ Die verskil tussen ’n plot vir ’n roman en ’n kortverhaal.

Module 2: Skep van geloofwaardige karakters, verteller, vertelperspektief en fokalisering

• Karakterisering
• Ronde en plat karakters.
• Plekke waar karakters ‘skuil’.
• Voorstelling of karaktertekening.
• Verteller en vertelperspektief: ◦Eerste persoonsverteller. ◦ Derde persoonsverteller. ◦ Alomteenwoordige verteller. ◦ Ongewone vertellers. Fokalisering

Module 3: Toneel-inkleding, skep van atmosfeer en hantering van beskrywing

• Toneel-inkleding en die skep van die atmosfeer
• Werklike of verbeelde plekke
• Tegnieke om atmosfeer te skep: ■Tyd ■Plek ■Gebruik van sintuie
• Wys teenoor vertel
• Beskrywings: ◦Hoe om te beskryf ◦Woordkeuses: ■Selfstandige naamwoorde ■Bywoorde en byvoeglike naamwoorde
• Beeldspraak, bv.: ■Vergelykings ■Klanknabootsing
• Clichés en anglisismes
• Simbole en truuks

Module 4: Dialoog en die hantering van spanning, konflik en dramatiese gegewe

• Dialoog ◦Skryf van dialoog wat natuurlik klink ◦Funksies van dialoog ◦Verskillende vorme van dialoog ◦Hoe om dialoog effektief te hanteer ◦Wat sê die karakter se liggaamstaal?
• Konflik, aksie en spanning: ◦Konfrontasie. ◦Gebruik van emosies. ◦Opbou. ◦Intimiteit. ◦Gebruik van beelde en atmosfeer. ◦Plant van leidrade. ◦Gebruik van verteller, perspektief, karakters, atmosfeer ens. om spanning te bou

Module 5: Skryf van openings- en slotparagrawe en die afronding van die verhaal

• Goeie openings- en slotparagrawe ◦Wyses waarop openingsparagrawe geskryf kan word ◦Effektiewe slotparagrawe Foute wat die meeste nuwe skrywers maak.
• Herskryf en afronding.

Verdere inligting oor die skryfkursus:

Registrasiedatum: Voor of op 30 November 2011

Datum en tyd waarop take ingehandig moet word: Tussen 09:00 – 16:00 op 1, 8, 15, 22, 29 Desember 2011

Datum en tyd waarop terugvoer ingehandig moet word: Sal nog bepaal word

Kostes: Die kursus kos R1 750 – 00. Dit sluit kursusmateriaal, posgeld, terugvoer vanaf kursusleier en buite-kritici in. Verder het die kursusganger 10 – 8 kortverhale en/kort-kortverhale wat byna publiseerbaar is, mits die skrywer na raad en opbouende kritiek luister en die nodige aanbevelings maak.

Binne sewe dae na die kwotasie ontvang is, moet 25% (d.w.s. R437-50) van die totale bedrag as pre-registrasiefooi betaal word. Nog 25% moet teen die registrasiedatum betaal word. Die res van die bedrag (R875-00) moet teen die tweede module betaal word.

NEEM ASB. KENNIS: Geen deposito is terugbetaalbaar nie!

Die volgende afslag word egter aangebied: Oud-studente van PNSkryfskool kry 10% afslag van alle dienste/kursusse wat daarna bygewoon of gebruik word.

Hoe om te registreer: Voltooi en handig die voorafregistrasie- of registrasiedokument in. Volg die volgende skakel om by die elektroniese vorm uit te kom: http://www.pnskryf.co.za/text/newskryfkursus.html#inligting.  ’n Faktuur sal gelewer word. Sodra die volle deposito betaal is, sal die kursusganger as geregistreer beskou word.

Algemene inligting: Slegs tien persone word tot die kursus toegelaat. Groepwerk is baie belangrik, asook deelname aan tuisoefeninge.

Navrae: Trudy Erasmus trudy@pnskryf.co.za.

Gaan loer ook gerus in by die PNSkryf blog.

Hierdie post kom ‘n week laat, sorreeeee! Ek moes dit laas week al opgesit het, en ek het vergeet. Maar nietemin, my nuutste kortverhaal, Ongewone Marteling, het in laasweek se Vrouekeur verskyn. Hierdie storie is gebasseer op ‘n werklike gebeurtenis in my lewe. Ek onthou dit nog so goed soos gister. En kyk nou… Hier is ‘n storie!

Hoop die wat die tydskrif in die hande kon kry, het dit geniet.

Tot volgende keer:

Anzel